Urdu Poetry

Koi Bhi Lamhaa Kabhi Laot Kar Nahi Aaya Woh Shakhs Aysa Gaya Pher Nazar Nahi Aaya, Wafa Kay Dasht Mein Rasta Nahi Milaa Koi Siwaaye Gard-e_Safar Humsafar Nahi Aaya, Palat Kay Aane Lage Shaam Kay Parinde Bhi Hamaara Subah Ka Bhoola Magar Nahi Aaya, Kisi Charagh Ne Poochi Nahi Khabar Meri Koi Bhi Phool Mere Naam Par Nahi Aaya, Chalo Koocha-e-Qatil Se Hum Bhi Ho Aaien Kay Nakhl-e-Daar Pe Kab Se Samar Nahi Aaya, Khuda Kay Khaof Se Dil Jo Larazte Rehte Hain Unhe Kabhi Bhi Zamaane Se Darr Nahi Aaya, Kidhar Ko Jaate Hain Raste, Yeh Raaz Kaise Khule Jahaan Mein Koi Bhi Baar-e-Dagar Nahi Aaya, Yeh Kaisi Baat Kahi Shaam Kay Sitaare Ne Kay Chain Dil Ko Mere Raat Bhar Nahi Aaya, Humen Yaqeen Hai "Amjad" Nahi Woh Wada Khilaaf Yeh Umar Kaise Kategi, Agar Nahi Aaya.